Wednesday 30 May 2012

ಎಲ್ಲೊ ಸಂಜೆ ಸೂರ್ಯ ಮುಳುಗುವಾಗ

ಎಲ್ಲೊ ಸಂಜೆ ಸೂರ್ಯ ಮುಳುಗುವಾಗ
ನನ್ನ ಹೃದಯ ತಳಮಳಗೊಂಡು
ವಿರಹ ಗೀತೆ ಹಾಡುತ್ತದೆ
ಮನಸ್ಸಿನ ಹಕ್ಕಿ ಗೂಡಿಗೆ ಸೇರಿ
ನೆನಪಿನ ಅನ್ನವ ಸವಿಯುತ್ತದೆ !

ಎಲ್ಲೊ ಸಂಜೆ ಸೂರ್ಯ ಮುಳುಗುವಾಗ
ಆನಂದದ ಸೂರ್ಯಕಾಂತಿ ಹೂ
ತನ್ನ ನಗು ರೂಪವನ್ನು ಮುಚ್ಚುತ್ತದೆ
ವಿಚಾರ ಸಮುದ್ರದ ಶಾಂತ ಅಲೆಗಳು
ಕಣ್ಣ ತೀರ ಬಂದು ಉಕ್ಕೇರುತ್ತದೆ !

ಎಲ್ಲೊ ಸಂಜೆ ಸೂರ್ಯ ಮುಳುಗುವಾಗ
ನಿರಾಸೆಯ ಗಾಳಿ ಮರೆತ ಪ್ರೇಮ ಮರದ
ಒಂದೊಂದು ಎಲೆ ಬೀಳಿಸುತ್ತದೆ
ಏಕಾಂತ ಜೀವನದ ಆಕಾಶದಲಿ
ಸ್ಮರಣೆಯ ನಕ್ಷತ್ರಗಳು ಮಿನುಗುತ್ತದೆ!
by ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment