Monday, 23 April, 2012

ಅವನು

ಜ್ಞಾನದ ಮಾತು ನುಡಿದು
ಜೀವನದ ಪಾಠ ತಿಳಿಸಿ
ಇದ್ದಕ್ಕಿದ್ದಂತೆ ಹೇಳದೆ ಕೇಳದೆ
ಮಾಯವಾದ ಅವನು!

ಬೆರಳ ಹಿಡಿದು ನನ್ನ
ನಡೆಯಲು ಕಲಿಸಿದ
ಕೊಂಚ ದೂರ ನಡೆಯುತ್ತಲೇ
ಮರೆಯಾದ ಅವನು !

ನನ್ನ ಕಣ್ಣೀರ ಒರೆಸಿ
ನನ್ನನ್ನು ನಗಿಸಿದ
ಸಂತೋಷದಿಂದ ಅಟ್ಟ ಹಾಸ ಮಾಡುತ್ತಲೇ
ಕಣ್ಮರೆಯಾದ ಅವನು !

ಈಗ ಅಪೂರ್ಣ ನನ್ನ ಕಾವ್ಯ
ನಾನು ಗುರು ಇದ್ದು ಇಲ್ಲದ ಏಕಲವ್ಯ
ನಡು ಮಾರ್ಗದಲ್ಲಿ ನನ್ನನ್ನು ಅನಾಥ ಮಾಡಿ 
ಬಿಟ್ಟು ಹೋದ ಅವನು!
by ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment