Thursday 29 March 2012

ಮಾರಾಟಕ್ಕೆ ಇದೆ

ರಕ್ತ ಮಾಂಸದಿಂದ
ತುಂಬಿದ ಬಡ ಶರೀರ
ಮುರಿದ ಆಸೆಯಿಂದ 
ತನ್ನ ಯೌವನವನ್ನು ನೀಡುತ
ಕೆಂಪು ಮನೆಯಲಿ
ಕಣ್ಣೀರಿಟ್ಟು ಜೀವಿಸುವ
ಹೆಣ್ಣ ಬಾಳು ಮಾರಾಟಕ್ಕೆ ಇದೆ !

ಮಗುವನ್ನು ಹೆತ್ತು
ಅಮ್ಮ ಎನ್ನುವ ದೈವ
ರಕ್ಕಸ ರೂಪ ತಾಳಿ
ಮೊಲೆ ಹಾಲು ನೀಡದೆ
ಹಸಿದ ಮಗುವನ್ನು
ಕಸದ ಬುಟ್ಟಿಯಲಿ ಬಿಟ್ಟಿದ
ತಾಯಿಯ ಮೊಲೆ ಹಾಲು ಮಾರಾಟಕ್ಕೆ ಇದೆ !

ತನ್ನನ್ನು ಪೋಷಿಸಿದ
ತಂದೆ ತಾಯಿಯ
ಉಪಕಾರವನ್ನು ಮರೆತು
ಅವರ ಸ್ವಪ್ನವನ್ನು ಮುರಿದು 
ಅಪಮಾನ ಮಾಡಿ 
ಮನೆಯಿಂದ ಹೊರ ದೂಡಿ 
ವೃದ್ಧಾಶ್ರಮ ಸೇರಿಸುವ
ಮಕ್ಕಳ ನೀಚ ಸಂಸ್ಕೃತಿ ಮಾರಾಟಕ್ಕೆಇದೆ !
by ಹರೀಶ್ ಶೆಟ್ಟಿ, ಶಿರ್ವ


No comments:

Post a Comment