Wednesday, 14 December, 2011

ಬೇವು ಮರ

ಬೇವಿನ ಮರದಂತೆ ನೀನಾದೆ ?
ಅದರ ಎಲೆಯಂತೆ
ನಿನ್ನ ಸ್ವಭಾವವು ಕಹಿಯೆಂದು ಗೊತ್ತು
ಆದರೆ ಅದರಲ್ಲಿ ಎಲ್ಲರ ಹಿತ ಅಡಗಿತ್ತು

ಬೇವು ಮರ ಬೀರುವ ತಂಗಾಳಿಯಿಂದ
ಅನೇಕರು ರೋಗ ಮುಕ್ತರಾದಂತೆ
ನಿನ್ನ ಪ್ರೇರಣೆಯಿಂದ ಅನೇಕ ಯುವ ಕವಿ ಹುಟ್ಟಿದರು
ಆದರೆ ನಿನ್ನನ್ನೇ ಕಹಿ ಎಂದು ದೂರಿದರು

ಬೇವು ನೀಡುವ ಆರೋಗ್ಯದಂತೆ
ನಿನ್ನಿಂದ ಹಲವರು ಜ್ಞಾನ ಪಡೆದರು
ಹಲವು ಅಯೋಗ್ಯರು ಆದರು ಯೋಗ್ಯ
ಆದರೆ ಕಹಿಯೇ ನಿನ್ನ ಭಾಗ್ಯ

ತನ್ನ ಸರ್ವಸ್ವ ನೀಡಿದ
ನೀ ಒಣಗಿದ ಮರವಾಗಿ ಉಳಿದೆ
ಎಲ್ಲಿಂದ ಪಡೆಯಲಿ ನಿನ್ನಿಂದ ಸಿಗುವ ಲಾಭ
ನಿನ್ನನ್ನು ಮರೆಯುವುದು ಅಷ್ಟಲ್ಲ ಸುಲಭ
by ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment