Wednesday 16 November 2011

ಜಾತ್ರೆಯಲ್ಲಿ ಜ್ಯೂಸ್

ಶ್ರೀಹರಿ ತನ್ನ ೧೧  ಮಿತ್ರರೊಂದಿಗೆ ಕಾರ್ಕಳದ ಜಾತ್ರೆ ನೋಡಲು ಹೋಗಿದ್ದ. ಅವನ ಮಿತ್ರರಲ್ಲಿ ಒಬ್ಬ ತಾರಾನಾಥ್ ಎಂಬ ತುಂಟ ಹುಡುಗನಿದ್ದ.
ಹೀಗೆಯೇ ಎಲ್ಲರೂ ಜಾತ್ರೆಯಲ್ಲಿ ತಿರುಗುತ ಅಲ್ಲಿ ಇದ್ದ ಸಣ್ಣ ಸಣ್ಣ ಅಂಗಡಿಗಳನ್ನು ನೋಡುತ ಬರುವಾಗ, ತಾರಾನಾಥ್ ಒಮ್ಮೆಲ್ಲೆ " ಬನ್ನಿ ಗೆಳೆಯರೇ, ಆ ಜ್ಯೂಸ್ ಅಂಗಡಿಯಲ್ಲಿ ಹೋಗಿ ಜ್ಯೂಸ್  ಕುಡಿಯೋಣ " .
ಇದಕ್ಕೆ ತಾರನಾಥನ ಜಿಪುಣ ಸ್ವಭಾವ ಅರಿತ ಶ್ರೀಹರಿಯ ಇನ್ನೊಬ್ಬ ಮಿತ್ರ ಯೋಗೇಶ್ " ಹೇ ...ಕಣ್ಣಯ್ಯ ....ಎಲ್ಲರಿಗೆ ನೀನು ಜ್ಯೂಸ್  ಕುಡಿಸುತಿ ...ಏನೋ "
ಅದಕ್ಕೆ ತಾರಾನಾಥ್ ನಗುತ " ಹುಂ....ಹೌದು   ...ಬನ್ನಿ ಎಲ್ಲರೂ ಜ್ಯೂಸ್  ಕುಡಿಯಿರಿ , ನಾನು ಹಣ ಕೊಡುತ್ತೇನೆ, ಆದರೆ ಒಂದು ವಿಷಯ ಜ್ಯೂಸ್ ಕುಡಿದ ನಂತರ ಅಲ್ಲಿ ನಿಲ್ಲ ಬಾರದು, ಕೂಡಲೇ ಅಲ್ಲಿಂದ ಒಬ್ಬೊಬ್ಬರು ಕುಡಿದು ಅಲ್ಲಿಂದ ಹೋಗ ಬೇಕು "ಎಂದು ಹೇಳಿದ.
ಅವನು ಹೇಳಿದ ಮೇಲೆ ಎಲ್ಲ ಮಿತ್ರರು ಗುಂಪಾಗಿ ಹೋಗಿ ಜ್ಯೂಸ್ ಅಂಗಡಿಯವನಿಗೆ "ಜ್ಯೂಸ್  ಕೊಡಿ ಸ್ವಾಮಿ " ಎಂದು ಹೇಳಿ ಒಬ್ಬೊಬ್ಬರಾಗಿ  ಜ್ಯೂಸ್ ಕುಡಿದು ಅಲ್ಲಿಂದ ಪಲಾಯನ ಮಾಡಿದರು.
ಅಖೈರಾಗಿ ತಾರಾನಾಥ್ ಜ್ಯೂಸ್ ಕುಡಿದ ನಂತರ ಜ್ಯೂಸ್ ಅಂಗಡಿಯವನಿಗೆ "ಎಷ್ಟು ಹಣ ಸ್ವಾಮಿ" .ಎಂದು ಕೇಳಿದ.
ಜ್ಯೂಸ್ ಅಂಗಡಿಯವ " ೧೨೦ ರೂಪಾಯಿ ಸಾರ್ "
ಅದಕ್ಕೆ ತಾರಾನಾಥ್ " ಏನೋ ೧೨೦ ರೂಪಾಯಿ ಅಂತ ಹೇಳುತ್ತಿದ್ದಿಯಲ್ಲ, ನಾನು ಒಂದೇ ಜ್ಯೂಸ್ ಕುಡಿದಿದ್ದೀನಿ ಮಹರಾಯ".

ಅದಕ್ಕೆ ಅಂಗಡಿಯವ " ಹೌದು ಸಾರ್, ಒಂದು ಜ್ಯೂಸ್ ಹತ್ತು ರೂಪಾಯಿ , ಒಟ್ಟಿಗೆ ಹನ್ನೆರಡು ಜ್ಯೂಸ್ ೧೨೦ ರೂಪಾಯಿ ಆಗುತ್ತದೆಯಲ್ಲ ಸಾರ್ ".
ಅದಕ್ಕೆ ತಾರಾನಾಥ್ "ಏನೋ ಅವರ  ಹಣ ನಾನೇಕೆ ಕೊಡ ಬೇಕು  ಮಹರಾಯ, ಅವರೇನು ನನ್ನ ಮಾವನ ಮಕ್ಕಳ " ಎಂದು ಕೋಪದಿಂದ ನುಡಿದ.
ಅದಕ್ಕೆ ಜ್ಯೂಸ್  ಅಂಗಡಿಯವ "ಏನ್ ಸಾರ್ ,ಅವರು ನಿಮ್ಮೊಟ್ಟಿಗೆ ಬಂದದ್ದು ಅಲ್ಲವೇ "
ತಾರಾನಾಥ್ " ನನ್ನ ಒಟ್ಟಿಗೆ ಬಂದದ್ದು ಅಂದರೆ ನಾನು ಹಣ ಕೊಡ ಬೇಕೇ , ಏನ್ ನೀವು ಹೇಳುವುದು ಸ್ವಾಮಿ " ಎಂದು ಬುಸುಗುಟ್ಟಿದ .
ಜ್ಯೂಸ್ ಅಂಗಡಿಯವ "ಆಗಲಿ ಸ್ವಾಮಿ , ನಿಮ್ ಹಣ ಕೊಡಿ , ಮೋಸ ಮಾಡಿ ಹೋದರು ಬೇವರ್ಸಿ ಹುಡುಗರು "  ಎಂದು ಕೋಪದಿಂದ ನುಡಿದ.
ತಾರಾನಾಥ ತನ್ನ ಒಬ್ಬನ ಹಣ ಕೊಟ್ಟು ನಗು ನಗುತ ಅಲ್ಲಿಂದ ಕಾಲು ತೆಗೆದ.

ಈ ಎಲ್ಲ ವಿಷಯ ತಾರಾನಾಥ್ ನಂತರ ಶ್ರೀಹರಿ ಹಾಗು ಅನ್ಯ ಮಿತ್ರರಿಗೆ ಹೇಳಿದ್ದು. ಶ್ರೀಹರಿಗೆ ಏನೋ ತಾರಾನಾಥ್ ಮಾಡಿದ್ದು ಸರಿ ಅಲ್ಲ ಎಂದು ಎಣಿಸಿದರು ತುಟಿಯಲಿ ಒಂದು ಕಿರು ನಗು ಮೂಡಿತು.
by ಹರೀಶ್ ಶೆಟ್ಟಿ, ಶಿರ್ವ

2 comments:

  1. ha ha. Chennagide shetre.. Maklu en madidru adu hudgatikeyinda ashte. Adral ashtenu durbuddi iralla. Angdi avna bad luck ashte

    ReplyDelete
  2. ತುಂಬಾ ಧನ್ಯವಾದಗಳು ಪ್ರಶಸ್ತಿ .....

    ReplyDelete