Monday 14 November 2011

ಬಯಕೆ




ನನಗೆ ಸೂರ್ಯನಾಗುವ ಬಯಕೆ
ಜಗತ್ತನ್ನು ಬೆಳಗಿಸುವ ಸೂರ್ಯನಂತೆ
ಪರೋಪಕಾರದ ಸಂಕಲ್ಪ ಮಾಡಿ
ನನ್ನ ಬಾಳ ಬೆಳಕನ್ನು ಎಲ್ಲರಲ್ಲೂ ಹಂಚುವೆ

ನನಗೆ ಚಂದ್ರನಾಗುವ ಬಯಕೆ
ತನ್ನ ಆಕಾರ ಬದಲಾಯಿಸುವ ಚಂದ್ರನಂತೆ
ನನ್ನ ಅಗತ್ಯಗಳನ್ನು ನಿರ್ಲಕ್ಷಿಸಿ ಕಡಿಮೆ ಮಾಡಿ
ಅನ್ಯರ ಜೀವನದ ಹುಣ್ಣಿಮೆಯ ಚಂದ್ರನಾಗುವೆ

ನನಗೆ ಮಲ್ಲಿಗೆ ಹೂವು ಆಗುವ ಬಯಕೆ
ಸುಗಂಧ ಹರಡುವ ಬಿಳಿ ಮಲ್ಲಿಗೆಯಂತೆ
ನಾನೂ ನನ್ನ ಹೃದಯ ನಿರ್ಮಲ ಮಾಡಿ
ಅನ್ಯರ ಜೀವನದಲಿ ಪರಿಮಳ ಬೀರುವೆ

ನನಗೆ ಗುಲಾಬಿ ಹೂವು ಆಗುವ ಬಯಕೆ
ಮುಳ್ಳ ಒಟ್ಟಿಗೆ ಬದುಕುವ ಗುಲಾಬಿಯಂತೆ
ನಾನೂ ನನ್ನ ದುಷ್ಟ ವಿಚಾರಗಳನ್ನು ಕಡೆಗಣಿಸಿ
ನನ್ನ ಒಳ್ಳೆಯ ಭಾವನೆಗಳನ್ನು ಚೆಲ್ಲುವೆ
by  ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment