Wednesday 12 October 2011

ಚಂದ್ರನ ಮೇಲೆ ಮೊಲ

ನನ್ನ ಮಗ ಬಂದು "ಪಪ್ಪಾ ನಿಮಗೆ ಚಂದ್ರನ ಮೇಲೆ ಅದೇನೆಂದು ಗೊತ್ತಿದೆಯೇ ?
ನಾನು ಇವನ ತಂಟೆ ಯಾಕೆಂದು , ಚಂದ್ರನ ಮೇಲೆ ಮೊಲ ಎಂದು ಹೇಳಿದ ನನ್ನ ತಂದೆಯವರಂತೆ , ನಾನೂ ನನ್ನ ಮಗನಿಗೆ "ಅದು ಮೊಲ" ಎಂದು ಹೇಳಿದೆ.
ಆ ಸಮಯದಲಿ ನಾನು ತಂದೆಯವರು ಹೇಳಿದು ಸತ್ಯವೆಂದು ನಂಬಿದೆ.

ಆದರೆ ನನ್ನ ಮಗ ಒಳಗೆ ಹೋಗಿ ತನ್ನ ಭೂಗೋಳ ಪುಸ್ತಕ ತಂದು "ಸುಮ್ಮನೆ ಏನಾದರೂ ಹೇಳಬೇಡಿ "ಮೊಲ" ಅಂತೆ, ಮೊಲವು ಅಲ್ಲ ಹುಲಿಯು ಅಲ್ಲ , ನೋಡಿ ಇಲ್ಲಿ ಎಲ್ಲ ವಿವರವಾಗಿ ಬರೆದ್ದಿದ್ದಾರೆ, ನೀವೇನು ಸ್ಚೂಲಿಗೆ ಹೋಗಲೇ ಇಲ್ಲವ..." ಎಂದು ಕೋಪದಿಂದ ಹೇಳಿ ನನ್ನ ಎದುರು ತನ್ನ ಭೂಗೋಳ ಪುಸ್ತಕ ಇಟ್ಟು ಹೋದ .

ನನಗೆ ಪುಸ್ತಕದಲ್ಲಿದ್ದ ಚಂದ್ರ ನನ್ನನ್ನು ನೋಡಿ ನಗುತ "ಈಗ ನಾನು ಚಂದ ಮಾಮನಲ್ಲ , ಈಗ ನಾನು ಸೂಪರ್ ಮೂನ್, ಇಂದಿನ ಮಕ್ಕಳು ನಿನ್ನಂತೆ ಮೂರ್ಖ ಶಿರೋಮಣಿಯರಲ್ಲ , ಅವರು ತುಂಬಾ ಬುದ್ದಿವಂತರು " ಎಂದು ಹೇಳುತ್ತಿದ್ದಂತೆ ಬಾಸವಾಯಿತು.
By ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment