Thursday 29 September 2011

ನೋವು

ಎಲ್ಲರಿಗೂ ನೋವು ಇದೆ ಈ ಜಗದಲಿ
ನಿನ್ನ ನೋವನ್ನು ಯಾರಿಗೆ ಹೇಳುವೆ ಇಲ್ಲಿ
ಅವರ ನೋವು ಇದೆ ಅವರಲಿ
ಇದೇ ಅವಸ್ಥೆ ಎಲ್ಲರ ಮನೆಯಲಿ

ಹೇಳುವೆ ನೀ ತನ್ನ ಕಥೆ ಎಲ್ಲರಲಿ 
ಅವರೂ ಮುಳುಗಿದ್ದಾರೆ ಅವರ ವ್ಯಥೆಯಲಿ
ಇದ್ದಾರೆ ಅವರು ನೋವಿನ ಮದ್ದಿನ ಹುಡುಕಾಟದಲಿ
ನಿನ್ನ ಕಥೆ ಕೇಳುವ ಶಕ್ತಿ ಇಲ್ಲ ಅವರ ಕಿವಿಯಲಿ

ನಗಬೇಡ ನೀ ಅನ್ಯರ ತೊಂದರೆಯಲಿ
ಮರೆತು ನಿನ್ನ ನೋವ ಬೆರೆ ನೀ ಅನ್ಯರ ನೋವಲಿ
ಆಧಾರವಾಗು ನೀ ಅವರ ಕಷ್ಟದಲಿ
ನಿನ್ನ ಅನುಕಂಪವ ಮರೆಯಲಾರರು ಅವರು ಜೀವನದಲಿ

ನಿನ್ನ ನೋವನ್ನು ಮರೆಯಲು ಕಲಿ
ಸಹಾಯ ಮಾಡು ಅನ್ಯರ ದುಃಖದಲಿ
ಅವರಿಗೆ ಸುಖ ನೀಡಿ ಸಂತೋಷದಲಿ ನೀ ನಲಿ
ಇದರಿಂದ ಸುಖ ಶಾಂತಿ ನೆಲೆಯುವುದು ನಿನ್ನ ಜೀವನದಲಿ
by ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment